TSC Vacancy 2082-2083: Lower Secondary Level (Ni-Ma-Vi) Teacher Job Openings in Nepal शिक्षक सेवा आयोग विज्ञापन २०८२ : निम्न माध्यमिक तह शिक्षक पदको ठुलो संख्यामा विज्ञापन
शिक्षक सेवा आयोग (TSC) विज्ञापन: निम्न माध्यमिक तह शिक्षक पदको ठुलो संख्यामा विज्ञापन
नेपाल सरकार, शिक्षक सेवा आयोग, सानोठिमी, भक्तपुर ले सामुदायिक विद्यालयहरूमा रिक्त रहेका निम्न माध्यमिक तह, तृतीय श्रेणी, शिक्षक पदका लागि खुला तथा समावेशी प्रतियोगितात्मक परीक्षाद्वारा स्थायी पदपूर्तिका लागि नयाँ विज्ञापन आह्वान गरेको छ।
इच्छुक र योग्यता पुगेका नेपाली नागरिकहरूले आयोगको आधिकारिक अनलाइन प्रणाली online.tsc.gov.np मार्फत आवेदन दिन सक्नुहुनेछ।
१. विषयगत पद संख्या र विवरण
विज्ञापनमा विषय र प्रदेशगत अनुसार माग गरिएको पद संख्या निम्न बमोजिम छ:
२. परीक्षाको किसिम र मिति
- परीक्षाको प्रकार: लिखित परीक्षा (सामान्य र विषयगत) तथा अन्तर्वार्ता।
- सामान्य परीक्षा मिति: २०८३/०१/२३ गते, शनिबार
- विषयगत परीक्षा: सामान्य परीक्षाको नतिजा प्रकाशन हुँदा तोकिनेछ।
३. आवेदन शुल्क र म्याद
- दरखास्त दस्तुर: रु. ७००/- (प्रत्येक थप समावेशी समूहका लागि रु. ५००/- थप लाग्नेछ)।
- अन्तिम मिति: २०८३/०१/२३ गतेसम्म।
- दोब्बर दस्तुर: २०८३/०१/३० गतेसम्म।
- उमेर हद: १८ वर्ष पुरा भई ४० वर्ष ननाघेको (बहालवाला स्थायी शिक्षकको हकमा उमेर हद लाग्ने छैन)।
४. आवश्यक न्यूनतम योग्यता
१. नेपाली नागरिक हुनुपर्ने।
२. सम्बन्धित विषयमा माध्यमिक शिक्षा उत्तीर्ण परीक्षा (कक्षा १२) वा सो सरहको परीक्षा (कम्तीमा २०० पूर्णाङ्क) उत्तीर्ण गरेको।
३. शिक्षा विषयमा कम्तीमा १० महिनाको तालिम लिएको (कक्षा ११ र १२ मा शिक्षा विषय लिई उत्तीर्ण गरेको हकमा तालिम मानिनेछ)।
४. निम्न माध्यमिक तहको स्थायी अध्यापन अनुमति पत्र (License) अनिवार्य प्राप्त गरेको हुनुपर्ने।
५. अपलोड गर्नुपर्ने कागजातहरू (Maximum 200 KB)
अनलाइन फाराम भर्दा निम्न कागजातहरू jpeg/jpg format मा अपलोड गर्नुपर्नेछ:
- नेपाली नागरिकताको प्रमाणपत्र।
- हालसालै खिचेको फोटो र दस्तखतको नमुना।
- न्यूनतम शैक्षिक योग्यताको ट्रान्सक्रिप्ट।
- सम्बन्धित तहको स्थायी अध्यापन अनुमति पत्र।
- तालिमको प्रमाणपत्र र समावेशी समूह खुल्ने कागजात (यदि आवश्यक भएमा)।
६. आवेदन दिने विधि
- आयोगको अनलाइन पोर्टल https://online.tsc.gov.np/ मा गएर आफ्नो प्रोफाइल बनाउनुहोस्।
- सबै विवरणहरू शुद्धसँग भर्नुहोस्।
- राष्ट्रिय वाणिज्य बैंक वा नेपाल बैंक लिमिटेड मध्ये कुनै एक छनोट गरी भौचर प्रिन्ट गरेर वा डिजिटल वालेट (Connect IPS, eSewa, Khalti) मार्फत भुक्तानी गर्न सकिनेछ।
विशेष जानकारी: यो विज्ञापनको प्रतिस्पर्धा र छनोट प्रदेशस्तरमा हुनेछ। एक उम्मेदवारले एउटा मात्र प्रदेश र एउटा मात्र विषयमा दरखास्त दिन पाउनेछन्। थप जानकारीका लागि आयोगको वेबसाइट www.tsc.gov.np हेर्न सक्नुहुनेछ।
LOKSEWA GK HUB NEPAL
तपाईँको उज्ज्वल भविष्यको लागि सफलताको हार्दिक शुभकामना!लोकसेवा र शिक्षक सेवाको तयारीमा रहनुभएका सम्पूर्ण मित्रहरूका लागि "Loksewa GK Hub Nepal" सदैव गुणस्तरीय सामग्री पस्कन प्रतिबद्ध छ। यस्तै अपडेटहरू निरन्तर पाउनका लागि हामीसँग जोडिनुहोस्। "मेहनत तपाईँको, साथ हाम्रो" - धन्यवाद!
Comments
Post a Comment